सल्यान, ३ साउन ।
हिजोराती देखि अवरुद्ध भएको राप्ती राजमार्ग अहिले सुचारु भएको छ ।
राजमार्गको दाङ-सल्यान सडकखण्ड अन्तगर्त चोरखोला नजिकै पहिरो जाँदा अवरुद्ध भएको सडक केहिबेर अघि संचालनमा आएको जिल्ला प्रहरी कार्यालय सल्यानका प्रहरी नायव निरिक्षक नन्दलाल भारतीले जानकारी दिनुभयो ।
गएराती १० बजे खसेको पहिरो सडक विभाग र निर्माण कम्पनिको जेसिबीले पन्छाएपछि आज दिउँसो १ बजेपछि सडक सुचारु भएको हो ।
सडक अवरुद्ध हुँदा रोकिएका सवारी साधन तथा यात्रुहरु पहिरो पन्छाएपछि गन्तव्यमा लागेको प्रहरीले जनाएको छ
प्रकाशित मिति : २०७९ साउन ३ गते मङ्गलवार
