पुष ९, दाङ ।
दाङमा बसले माेटरसाइकललाई ठक्कर दिदा एक किशोरीकाे मृत्यु भएको छ ।
मृत्यु हुनेमा सल्यानकाे छत्रेश्वरी गाउँपालिका – १ दमाचौर कर्ने गाउँकी १९ वर्षिय सृजना शर्मा रहेको जिल्ला प्रहरी कार्यालय दाङले बताएको छ ।
शुक्रबार अपरान्ह ४ बजेतिर तुलसीपुरबाट घाेराही जाँदै गरेको रा १ ख २३७५ नम्बरको बसले विपरीत दिशाबाट आइरहेको रा २ प ५२५५ नम्बरको मोटरसाइकललाई ठक्कर दिदा माेटरसाइकलकाे पछाडि सवार सृजनाकाे मृत्यु भएको थियाे ।
घोराही तुलसीपुर सडक खण्ड अन्तरगत पर्ने घोराही उपमहानगरपालिका – १६ सर्रा नजिकै दुर्घटना भएको थियो ।
मोटरसाइकल चालक दंगीशरण गाउँपालिका – ७ का १७ वर्षीय क्रिश खड्का भने घाइते भएको र उनकाे राप्ती स्वास्थ विज्ञान प्रतिष्ठानमा उपचार भइरहेको बताइएको छ ।
बस र बस चालकलाई भने प्रहरीले नियन्त्रणमा लिइएको छ । उनी ज्ञानज्याेती माध्यमिक विद्यालयमा कक्षा १२ मा अध्यनरत थिइन्।
