फागुन २९, सल्यान – सल्यानको बागचौर नगरपालिकाको १० औं नगर सभा सर्वसम्मत रुपमा पारित भै सम्पन्न भएको छ ।
बागचाैर नगरपालिकाको १० औं नगर सभाले केही प्रस्तावहरुमा छलफल गरि कार्यविधिहरु पारित समेत गरेको छ ।
सभाले बजेट रकमान्तर तथा शिर्षकान्तर सम्बन्धमा, बागचौर नगरपालिकाको नगर प्रहरी विधेयक २०७९ सम्बन्धमा, कक्षा ८ को आधारभूत तह उतिर्ण परिक्षा कार्यविधि २०७९ सम्बन्धमा, नगर प्रवक्ता सम्बन्धि कार्यविधि २०७९ सम्बन्धमा, वडा कार्यालयको केन्द्र निर्धारण सम्बन्धमा र अन्य विविध विषय सम्बन्धमा छलफल पश्चात् कार्यविधिहरु पारित गरेको हो ।
बागचाैर नगरपालिकाका नगर प्रमुख जनकराज गाैतमको सभाध्यक्षतामा भएको कार्यक्रममा स्वागत मन्तवय बागचाैर नगरपालिकाका उप-प्रमुख सुम्निमा डि. सी. वलीले गरेकी थिइन् ।
बागचाैर नगरपालिकाका प्रमुख प्रशासकीय अधिकृत अनन्त कुमार गाैतमले सहजीकरण गरेको कार्यक्रममा बागचाैर नगरपालिकाका १२ वटै वडाका वडा अध्यक्षहरु, कार्यपालिका सदस्यहरु, वडा सदस्यहरु, बागचाैर नगरपालिकाका विभिन्न शाखामा कार्यरत कर्मचारीहरु, पत्रकारहरु, सुरक्षाकर्मी लगायतको उपस्थिति रहेको थियो ।
