सल्यान, १९ माघ ।
सल्यानमा रुखबाट खसेर एक जनाको मृत्यु भएको छ । जिल्लाको बागचौर नगरपालिका १० पिपलनेटा स्यालागाउँका ६० वर्षीय ध्वज बहादुर केसीको मृत्यु भएको जिल्ला प्रहरी कार्यालय सल्यानले जनाएको छ ।
शुक्रबार बिहान आफ्नै बारीमा भिमलको रुखमा चढी घाँस काट्ने क्रममा रुखबाट खसेर केसी घाइते हुनु भएको थियो । घाइते केसीको परोपकार हस्पिटल श्रीनगरमा उपचार भइरहेको थियो, र थप उपचारका लागि जिल्ला अस्पताल सल्यानमा ल्याई चेक जाँच गर्ने क्रममा मृत्यु भएको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले जानकारी दिनु भयो ।
प्रकाशित मिति : २०८० माघ १९ गते शुक्रवार
