सल्यान,२६ चैत।
सानै उमेरदेखि विभिन्न उपकरणहरुकाे अनुसन्धान तथा आविस्कार गर्दै आएका विजय रानाले यसपटक शारदा नदिमा पानी जहाजकाे परिक्षण गरेका हुन् । साेमबार श्रीनगर टाउनप्लानिङ स्थित बैकुण्ठ धाम नजिक शारदा नदिकाे पानीमा पानीजहाज परिक्षण गरिएकाे हाे ।
रानाले दुइहप्ताकाे समय लगाएर आफैले पानी जहाजकाे निर्माण गरेका थिए । चालक सहित ९ सिटकाे रहेकाे पानी जहाजकाे क्षमता ६ सय ७५ केजी रहेकाे रानाले बताए । पानी जहाज इन्जिनबाट चल्ले छ ।
शारदा नदिमा पानीकाे सतह सानाे आकारकाे भएकाेले बैकुण्ठ धाम आसपासकाे क्षेत्रमा नदिकाे केहिभागलाइ थुनेर तालकाे आकार जस्ताे बनाउन लागिएकाे उनले बताए । त्यसका लागि शारदा नगरपालिकाले डाेजर लगाएर नदिकाे आकार बढाउने रानाकाे भनाइ छ ।
नयाँ वर्षकाे अवसर पारेर बैशाख १ गते शारदा नदिमा पानी जहाजकाे उद्घाटन गरिने उनले बताए । आज गरिएकाे परिक्षण सफल भएकाे उनकाे भनाइ छ ।
