सल्यान, २९ चैत।
वनस्पती अनुसन्धान केन्द्र सल्यानका डा. मित्र पाठक सम्मानित भएका छन् ।
वनस्पति विभागको ६४ औं बार्सिकोत्सव तथा २५ औं वनस्पति दिवसको अवसरमा पाठक सम्मानित भएका हुन । वन तथा वातावरण मन्त्री नवल किशोर साह सुडिको प्रमुख आतिथ्यता तथा सचिव डा. दिपक कुमार खरालको विशेष आतिथ्यमा उक्त कार्यक्रम भएको हो । वनस्पती बिज्ञ एवं वनस्पती अनुसन्धान केन्द्र सल्यानका कार्यालय प्रमुख डा मित्र पाठक पनि कदर पत्र सहित सम्मानित भएका छन । वनस्पती क्षेत्रमा हाल सम्म उनले गरेको अनुसन्धानको योगदान एवं कार्यालय प्रमुखको भूमिकाको योगदान स्वरूप डा.पाठकलाई कदर पत्र सहित सम्मान गरिएको हो । यसले थप उर्जा थपिएको महसुस भएको डा. पाठकको भनाइ छ । सल्यान लाई पर्यटन र शैक्षिक हब बनाउन लागि परेका डा. पाठकका ४ दर्जन बढी बैज्ञानिक लेखहरु, विभिन्न पुस्तक, सम्पादन तथा विभिन्न पत्र पत्रीकामा झन्डै ३ दर्जन लोकप्रिय बैज्ञानिक लेखहरु प्रकासित रहेका छन् ।
