पत्रकार सन्तोस बिके थापालाई  डिजिटल मिडिया स्कृप्ट अवार्ड प्रदान

सल्यान,२९ चैत।

एक जुजारु पत्रकार सन्तोस बिके थापालाई  डिजिटल मिडिया स्कृप्ट अवार्ड प्रदान गरिएको छ ।
कार्यक्रम समयचक्रका लागि  उनले लेखेका  स्कृप्ट सबैले मन पराएका छन्।  उत्कृष्ट  लेखनशैली रहेका उनलाई डिजिटल मिडिया स्कृप्ट अवार्ड द्वारासम्मान गरिएको हो।
सल्यान जिल्ला छत्रेश्वरी गाउँपालिका– ५ लेखपोखरामा जन्मिनु भएका सन्तोष विके थापा विगत १२ बर्षदेखि नेपाली पत्रकारितामा सक्रिय रहेका छन्  । २०६८ सालमा सल्यान जिल्लाकै सामुदायिक रेडियो ‘राप्ती एफएम १०४.८ मेघाहर्ज’बाट पत्रकारिता उनले पत्रकारिताको सुरुवात गरेका थिए।
स्थानीय ‘सल्यान टेलिभिजन’ हुँदै नेपालकै पहिलो न्यूज च्यानल सगरमाथा टेलिभिजनको केन्द्रीय प्रशारणमा  जोडिएका थिए।  । ‘क्यामेरा पर्सन’ हुँदै सुरु भएको ‘करिअर’ सगरमाथा टेलिभिजनको ‘रिपोर्टर’ बन्दा अझ फराकिलो बन्यो । झण्डै चारबर्ष सगरमाथा टेलिभिजनमा काम गरिसकेपछि अहिले उहाँ विगत ३ बर्षभन्दा बढी समयदेखि नेपालकै पाँचौं एचडी च्यानल ‘योहो टेलिभिजन’मा आवद्ध  छन  । अहिले टेलिभिजन च्यानलहरुमध्ये कै लोकप्रिय कार्यक्रम ‘समय चक्र’को प्रस्तोता  रहेका छन्।
नागरिकसँग प्रत्यक्ष जोडिएर राज्यका निकायलाई खबरदारी र दबाब दिने कार्यक्रमले धेरै अन्यायमा परेका आम सर्वसाधारणलाई न्याय दिलाउन भूमिका खेलेको छ । कसैको दबाब, प्रभाव र डरधम्कीसँग नडराईकन बेथिती, भ्रष्टाचार र माफियागिरीका विरुद्ध उहाँले सशक्त ढंगबाट आवाज  उठाएका छन्  । कसैको पक्षपोषण वा कसैमाथि प्रतिशोध नराखि निष्पक्ष ढंगबाट तथ्य र प्रमाणलाई आधार बनाएर जनताकै बीचमा बसी जनताकै आवाज  बोलिरहेका सन्तोष विके थापालाई न्युज एक्सप्रेस मिडिया प्राइभेट लिमिटेडले मंगलबार काठमाडौंको जमलस्थित  राष्ट्रिय नाचघरमा आयोजित एक कार्यक्रममा सम्मान गरिएको हो।

प्रकाशित मिति : २०८० चैत्र २९ गते बिहिवार
प्रतिक्रिया दिनुहोस