दाङ ,२६ जेठ।
दाङको तुलसीपुरमा बस र अटो ठोक्किदा ५ जना घाइते भएका छन् ।
तुलसीपुरबाट सल्यानतर्फ जादै गरेको रा १ ख २०३७ नम्बरको बसले विपरित दिशाबाट आउदै गरेको रा १ ह २२०७ नम्बरको अटोलाई तुलसीपुर–७ स्थित गणेशपार्क जाने बाटोमा आज अपराह्न पौने ४ बजेको समयमा ठक्कर दिदा दुर्घटना भएको ईलाका प्रहरी कार्यालय तुलसीपुरले जनाएको छ।
घाइते हुनेमा अटो चालक तुलसीपुर–५ निवासी २९ वर्षीय अंकित गुप्ता, सल्यानको कुमाख गाउँपालिका–५ निवासी २६ वर्षीया रिता बोहोरा, उहाँको छोरा ६ वर्षीय केशब बोहोरा, सोही ठाउँकी १८ वर्षीया कमला बुढाथोकी र १६ वर्षीय छबिलाल बुढाथोकी रहेकाे र छबिलालकाे अवस्था गम्भीर रहेको इलाका प्रहरी कार्यालय तुलसीपुरका प्रमुख प्रहरी नायव उपरीक्षक ठाकुरप्रसाद पाेखरेलले बताए।
घाइतेहरुको अहिले राप्ती प्रादेशिक अस्पताल तुलसीपुरमा उपचार भइरहेको र ठक्कर दिने बससहित चालकलाई प्रहरीले नियन्त्रणमा लिएको डिएसपी पाेखरेलले बताए।
